## ilo waso pi sona wawa

sitelen pi leko tu tu:

leko #1: jan Sepa pi kama sona li lon tomo pali pi wawa nasa. ona li lon supa pali li pilin ike. ilo li lon poka ona. lukin la, ilo li waso kule.
> jan Sepa: mi wile e waso pimeja taso. tan seme la jan lawa pi tomo sona li pana e waso ni...

leko #2: ilo li toki.
> ilo: toki! mi ilo waso pi sona wawa tan kulupu esun Openwaso. sina wile kama sona e wawa nasa la, mi ken pana e pona.
> ilo: wile sina la, mi ken pana e pona seme?

leko #3: jan li pilin ike li toki.
> jan Sepa: o toki ala!

leko #4: ilo li awen toki. jan Sepa li anpa e lawa lon luka tan pilin anpa.
> ilo: sina toki ike la, mi ken ala kute e sina. o toki e ni: mi ken pana e pona seme?
