## ilo li pilin sama

sitelen pi leko tu tu:

leko #1: jan Sepa pi wawa nasa en ilo ona pi sona wawa li lon kasi anpa lon tenpo pimeja. jan li jo e ilo sitelen, li pali sona.
> jan Sepa: ilo o. mi o kule loje e mun kepeken wawa nasa anu seme?
> ilo: sina o kule. mun loje li pona tawa lukin.  

leko #2: jan li sitelen wawa tan pilin pona.
> jan Sepa: kama la, mi o kama e akesi suli pimeja. ona li anpa e suno!
> ilo: pona a! ni la, suno li ken ala seli pakala e sina. nasin sina li pona mute.  

leko #3: jan li kama lukin e ilo tan pilin ike.
> jan Sepa: sina pilin e ni anu seme: toki mi ale li pona?
> ilo: toki sina ale li pona mute a!  

leko #4: jan li anpa e lawa tawa lipu. ilo li awen toki.
> ilo: toki ala sina li pona kin!
