# ante toki

sitelen pi leko tu tu:

leko #1: jan Sepa li weka e ilo waso pi sona wawa tan poki jaki. telo li kama anpa wawa tan sewi. jan li toki tawa ilo.
> jan Sepa: mi awen e sina. tan li ni: mi wile toki tawa soweli nasa. taso ona li ken ala kute sona e toki mi. sina o ante toki.

leko #2: ona tu li tawa ma kasi. soweli lili li kulupu lon anpa kasi. lukin la ona li pilin ike tan telo lete. jan li toki tawa ilo.
> jan Sepa: o toki e ni: mi kama e ona tawa tomo mi. telo li kama wawa tan sewi, li ken pakala lete e ona.

leko #3: ilo en soweli li toki kepeken toki nasa.

leko #4: ilo li toki tawa jan. soweli li lukin e ona tu tan pilin pi wile sona. jan li pilin ike tan toki ilo.
> ilo: tomo sina li telo la, soweli li wile sona e ni: sina wile kama e ona tan seme?
> jan Sepa: tenpo kama la, o kute pona e toki mi.

