Cìob: Tha mi a’ dol a-steach. Chan fhiach coimhead ort a’ cladhadh ... Adhlaic dhomh na deochan seo uile a dh’fhairtlich ort is thig a-steach cho luath ’s as urrainn dhut ach am faigh thu beagan fois..
Ar leam chan e ach miann ro-dhòchasach a th’ ann gun rachadh leat a-màireach, ach cò aig’ a tha fios!.
Peabar: Tha mi agaibh, greas orm! Ach eadar dà sgeul, dè as adhbhar gun adhlaic sinn a h-uile càil ? Nach biodh e na b’ fheàrr nan ....
Cìob: B’ ÀILL leat?.

Peabar: An-dà... Uill, chan e eòlaiche a th’ annam idir... Ach tha na glasraich ann an trum neònach am bliadhna agus tha dòigh an-àbhaisteach air tòrr lus eile timcheall air an taigh..
Sgrìobhte: Tomàto.
Aubergine.
Peabar: Mar a tha air na seanganan, dè fo na gealaichean a tha iadsan ris?.
Mar sin dheth ... Cha chreid mi nach eil duilgheadas beag bìodach le truailleadh againn ’s bu chòir dhuinn beachdachadh air beagan glanaidh ....
Cìob: A nighean-uasal “Mhill-mi-deoch-sam-bith-a-riamh”, nach ann ortsa a tha an ceann mòr is fasan na Clann-fhlùrachd ort..
San Dubh-choimeasgachd, ’s ann gun adhlaic sinn ar mearachdan!! Bu sin ar dualchas o chian nan cian agus chan eil diù a’ choin agam air dè shaoileas MATHAIR NÀDAIR mu dhèidhinn! Dùin do ghob is CLADHAICH!!.

Peabar: ’s ann gun adhlaic sinn ar mearachdan.
sin ar dualchas.
o chian nan cian.
THA E AGAM!.
Curran: Srann.
Peabar: Siuthad nas luaithe a Churrain!.

Peabar: “A ghille dhuinn uasail an fhuilt dhualaich!”.
"... mo bhruadair Dhubh-choimeasgaich!".
“... Is tusa fear-clis dubh m’ eantropaidh.”.
Abair bàrdachd, a bhean-uasal Chìob! Nach iongantach dè ghabhas ionnsachadh mu bhana-bhuidsichean a dh’adhlaiceas na mearachdan aca uile!.
Sgrìobhte: Leabhar-latha prìobhaideach Cìoba.

Cìob: Chan eil tè beò nach do dh’fhairtlich oirre a-riamh. Cha mhise a’ Chìob a sgrìobh sin tuilleadh. Cha deach an leabhar-latha seo adhlacadh gun adhbhar..
Peabar: ....
Tha mi a’ tuigsinn! Ach dè ur beachd air an leabhar seo ma-thà.
Sgrìobhte: COIMEASGA SUTRA le Tìom.
Tìom: Chan e seo ach mearachd m’ òige agus chan eil e iomchaidh dha d’ aois air dòigh sam bith!.
Peabar: Cò shaoileadh... Tha mi agaibh....
Cha chuir gin sam bith dheth nàire oirbh idir....

Peabar: Ach an àrainneachd! An nàdar! Chan urrainn dhuinn cumail oirnn ris an truailleadh oir ’s daor a’ cheannachd a bhios againn air!!.
Cìob: Cha do dh’adhbh-raich e trioblaid sam bith oirnn gu ruige seo! ’S e bana-bhuidsichean na Dubh-choimeasgachd a th’ annainn ’s thèid ar duilgheadasan adhlacadh gu domhainn! Na biodh deasbad againn mun dualchas!.
Carabhaidh: Saoil dè lorg mi! Cha chreid mi e!.
Gu duda a dh’fhàg e shìos an-seo?.
Bidh e feumach air beagan gleusaidh ach tha e ag obair fhathast..

Carabhaidh: Dè bh’ ann a-rithist? “Hogainn dùbh-ò-choimeasgachd?”.
Haha, dhìochuimhnich mi na faclan! Saoil a bheil leabhar nan òran agam am badeigin cuideachd....
Cìob: ...nise, tha sinn uile air aontachadh. Ùrachadh air riaghailtean na Dubh-choimeasgachd: O seo a-mach, nì sinn seòrsachadh, pronnadh ’s ath-chuairteachadh air a h-uile càil! A h-UILE CÀIL!!.
Sgrìobhte: glainne.
meatailt.
Neach-aithris: - Deireadh na sgeòil -.
Urram: 09/2016 – www.peppercarrot.com – Obair-ealain ⁊ sgeulachd: David Revoy – Eadar-theangachadh: GunChleoc.
Dotair sgriobtaichean: Craig Maloney. Ceartachadh is taic leis na còmhraidhean: Valvin, Seblediacre ’s Alex Gryson. Brosnachadh: "The book of secrets" le Juan José Segura.
Stèidhichte air saoghal Hereva a chaidh a chruthachadh le David Revoy le taic o Craig Maloney. Ceartachadh le Willem Sonke, Moini, Hali, CGand ’s Alex Gryson..
Ceadachas : Creative Commons Attribution 4.0, Bathar-bog: Krita 3.0.1, Inkscape 0.91 air Arch Linux XFCE.

Urram: Tha Pepper&Carrot saor is le tùs fosgailte air fad agus ’ga sponsaireadh le taic nan leughadairean. Mòran taing dhan 755 pàtran a thug taic dhan eapasod seo:.
’S urrainn dhut dol ’nad phàtran Pepper&Carrot cuideachd air www.patreon.com/davidrevoy.