Cìob: ... ’s tusa ag iarraidh Craobh Aonaidh! Ann a sheo!!!.
CHAN FHAIGH! ’S e bana-bhuidsichean an dubh-choimeisg a th’ annainn ’s CHA DÈAN sinn a leithid rud..
Fuaim: DÒRN!.
Cìob: B’ fheàirrde thu d’ aire a chur air “Geasan millidh”!.
Peabar: Milleadh ann an da-rìbibh? An ràith seo? Carson nach ionnsaichinn geasan cruthachaidh ’nan àite?.
Cìob: Tha ath Chomhairle nan Trì Gealaichean gu bhith tighinn oirnn mar a tha na deuchainnean agad. Ionnsaich! Ionnsaich! IONNSAICH!!! AGUS SEACHAIN AM BUAIREADH A CHUIREAS DO BHEACHDAN AMAIDEACH ORT!!!.

Fuaim: Clab!.
Ffff.
Curran: gnogag.
Peabar: Grrrrr...!!!.
Geamhradh gun Chraobh Aonaidh?! Chan fhulaing!.
Saoil an cruthaichinn craobh leam fhìn le buidseachas?!.
Smaoinich! B’ urrainn dhomh fiù ’s feuchainn gun cuirinn buidseachas na Clann-fhlùrachd ’s na Dubh-choimeasgachd ri chèile! Craobh mhòr uaine le solas reultan ’s rianan-grèine bìodach oirre! Àgh! Bhiodh i foirfe!.
’S bhiodh i cruthachail!.
Ach chan eil dòigh san dèanainn an seòrsa seo dhe bhuidseachas ann a sheo... ... mhothaicheadh na bana-ghoistidhean air sa bhad mura robh mi ri “Geasan millidh”..

Peabar: Ach... ’Eil chuimhn’ a’m air....
Fuaim: Fuiss.
Peabar: Sin e! Sa chaibideal “Geasan millidh”, tha Tìom a’ moladh gum feuchte riutha ann am meanbh-chruinne. Ach seall air a’ phailteas dhe rabhaidhean seo:.
Thà....
Sgrìobhte: “NA CAITH do Rèatha uile gu lèir le cruthachadh a’ mheanbh-chruinne.”.
Peabar: Gu dearbh..
Sgrìobhte: “NA DOIR dad air ais leat air adhbhar tèarainteachd.”.
Peabar: Na can rium!.
Seo dhut a-nise!.
Sgrìobhte: “NA BI AN DÙIL air taic sam bith o thaobh a-muigh a’ mheanbh-chruinne... ...chan fhaic duine sam bith dè bhios tu ris!”.
Peabar: Nach fhaic? Duine sam bith!? Tha sin foirfe! Siuthadamaid ma-thà!.
Fuaim: SiiING.
SIUUuuump!!.
Carabhaidh: An e siud Peabar a’ cruthachadh meanbh-chruinne?.
Tìom: Glè mhath! Tha mi ’n dòchas gun do thuig i na rabhaidhean uile a sgrìobh mi sa chaibideal mu na “Geasan millidh”..
Sgrìobhte: Am Pàipear Mòr.

Peabar: Sgoinneil! Tha e mar shoitheach ’s chan eil ’na bhroinn ach a’ chuid dhen leabhar-lann a dh’fheumas mi. Agus tha e glan sgaraichte on fhìorachd againn fhèin. Seo bogsa-gainmhich foirfe a chùm deuchainn air geasan..
Tòisichidh mi air an annas-làimhe agam ma-thà!.
Fuaim: SiiING.
PLUuuum!!.
Peabar: Hè. Iochd..
Fuaim: Daoobh!!.
Peabar: Ceach!.
Fuaim: Chding!!.
Peabar: Seo i! Tha i rìomhach ach ro bheag....
Curran: ?.
Peabar: CUT, A CHURRAIN! NA BEAN RITHE!.

Fuaim: Pluuum!!.
Peabar: Seo dhut! Mheudaich mi i. Tha coltas foirfe oirre a-nis! Cha chreid mi gun dèanadh e cron nan doirinn a’ chraobh seo leam às a’ mheanbh-chruinne. Chan e ach Craobh Aonaidh a th’ innte ’s eu-coltach ri “Geas millidh”..
Ceart ma-thà. Cuireamaid am meanbh-chruinne seo dhan fhìorachd againne ’s seallaidh sinn dhaibh dè cho cruthachail ’s a dh’fhaodas an Dubh-choimeasg a bhith! Tha fiughair agam ri fiamhan an aodannan!.
Fuaim: DOooong!!.
Tìom: An-dà... Seo Peabar air a tilleadh. Meal do naidheachd, a Chìob. Tha dòighean an fhoghlaim agad torrach mu dheireadh thall..
Cìob: Mòran taing, a bhana-mhaighstir..
Sgrìobhte: Am Pàipear Mòr.

Peabar: A CHURRAIN! Bidh mi air ais an ceann greiseig le Tìom, Cìob is Carabhaidh. Na bean ris a’ chraobh fhad ’s a bhios mi shìos, ceart gu leòr?.
Bidh mi air ais a dh’aithghearr!.
Fuaim: BRRrrr BRRr BRRrrr BRRrrr BRRrrr BRrr.
Curran: ?.
Fuaim: Chruuuf!!.
Curran: !!.
Fuaim: BRRr BRRrrrr.
Curran: !!.
Peabar: Ullaichibh dhan annas is iongantas! Chan fhaca sibh a leithid a-riamh. Leanaibh orm suas an staidhre ach am faic sibh i....

Fuaim: Chruuuuf!!.
Peabar: ?!!.
Fuaim: Fuuum!!!.
BRAG!!!.
Peabar: Feumaidh gun do rinn mi ath-sgrùdadh air na “Geasan millidh” ge b’ oil leam!.
Neach-aithris: - Deireadh na sgeòil -.

Urram: Nollaig chridheil dhuibh!.
12/2017 – www.peppercarrot.com – Obair-ealain ⁊ sgeulachd: David Revoy – Eadar-theangachadh: GunChleoc.
Piseach air na còmhraidhean: Craig Maloney, CalimeroTeknik, Jookia..
Ceartachadh/Beachdan Beta: Alex Gryson, Nicolas Artance, Ozdamark, Zveryok, Valvin ’s xHire..
Stèidhichte air saoghal Hereva a chaidh a chruthachadh le David Revoy le taic o Craig Maloney. Ceartachadh le Willem Sonke, Moini, Hali, CGand ’s Alex Gryson..
Bathar-bog: Krita 3.2.3, Inkscape 0.92.2 air Ubuntu 17.10.
Ceadachas: Creative Commons Attribution 4.0.
Tha Pepper&Carrot saor is le tùs fosgailte air fad agus ’ga sponsaireadh le taic nan leughadairean. Mòran taing dhan 810 pàtran a thug taic dhan eapasod seo:.
’S urrainn dhut dol ’nad phàtran Pepper&Carrot cuideachd air www.patreon.com/davidrevoy.