Pepar & Gulrot-wikien

Hjelp oss å vidare­utvikla wikien, som har meir om mytologien, personane og alt som gjev liv til Hereva. Wikien er samlings­staden vår for koordinering av avleidde verk og utviding av Hereva-universet.

Gå til wikien

Verka dykkar

Har du laga noko basert på teikne­serien – ein video, eit data­spel, ei forteljing eller noko anna? Eg viser gjerne fram Pepar & Gulrot-prosjektet ditt på bloggen!

Utforsk alle verka på bloggen

Omsetjing og rettingar

Både Pepar & Gulrot-nettstaden og teikne­seriane der er laga for å vera fleir­språklege og kunna omsetjast. Her finn du ressursar og omfattande dokumentasjon for å starta ei omsetjing eller gjera rettingar.

Les dokumentasjonen

Tilhengjar­kunst

Eg ser fram til å sjå tilhengjar­kunst frå dykk! Både teikningar, 3D-modellar, skulpturar, teikne­seriar, cosplay og framlegg til nye historier er velkomne her. Nettstaden har òg eit galleri der du kan sjå kva andre har laga.

Bidra til tilhengjarkunst-galleria

Presse, blogg og sosiale medium

Eg har ikkje noko marknads­førings- eller kommunikasjons­budsjett, så eg treng hjelp frå dykk! Å skriva artiklar eller blogg­innlegg, delta i diskusjons­forum og dela lenkjer på sosiale medium er alle verdifulle bidrag. Eg har laga klar ein «presse­pakke» med ferdige ressursar.

Få tilgang til pressepakken

Betalesing av nye episodar

Ei veke eller to før eg gjev ut ein ny episode, legg eg ofte ut ein diskusjons­tråd der omsetjarar, korrektur­lesarar og nysgjerrige lesarar kan gje tilbake­melding på episoden. Vanlegvis kunn­gjer eg dette på bloggen min. Du treng berre ein Framagit-konto for å kunna delta!

Les tidlegare betadiskusjonar

Bidra økonomisk

Alt om finansiering av teikne­serien står på sidene «Filosofi» og «Støtte». Økonomisk støtte hjelper meg å dekkja vanlege utgifter (som rekningar), slik at eg får meir ledig tid til å laga teikne­serien. Alle penge­gåver – uansett kor små, og gjevne éin gong eller fast over tid – er til hjelp. Det same er kjøp frå nett­butikken.

Vert fast sponsor

Andre måtar å bidra på

Det finst mange måtar å hjelpa til på! Program­utviklarar kan retta feil i teikne­programma eg brukar, musikarar kan laga musikk­tema for Pepar & Gulrot, journalistar kan dela nyheiter om Pepar & Gulrot i aviser eller på fjernsyn, og trykkjarar kan laga plakatar eller andre varer med Pepar & Gulrot på. Det finst uendeleg med moglegheiter!

Del framlegg i prateromma