nimi

lipu nanpa mute luka luka luka wan: utala kama

lipu lili nanpa 1

jan Wasapi

SINA WILE PONA E IKE SINA KEPEKEN TOKI ANU SEME? ni li ken ala!

O PANA E ONA IKE TAWA POKI AWEN!

lipu lili nanpa 2

kalama

Wwwile...

jan Pepa

pakala! mi ken ala pali lon poki ni!

poki awen ike pi weka wawa a!

kalama

KIWEN!

lipu lili nanpa 3

jan Pepa

tan seme la pona li lon pilin mi pi tenpo pini!

jan Sisimi

jan Pepa o pini! o kalama ala.

jan Pepa

jan seme a li lon?!

jan Sisimi

o pini e kalama kin a! o kama. mi wile ken e weka sina.

kalama

Sssuno...

jan Pepa

jan Sisimi anu seme?

lipu lili nanpa 4

jan Sisimi

mi... mi pilin ike tan tenpo pini...

...a, tan utala pi mi tu.

ni... ni taso li nasin.

jan Pepa

o pilin ike ala - mi sona. kama sina li pona.

jan Sisimi

poki ni pi weka wawa li wawa mute – jan awen li pali mute lon sina!

jan Pepa

a a a!

jan Sisimi

o lili e kalama. ante la, ona li kute.

soweli lili

MOKU MOKU MOKU

jan Sisimi

a, sama la, ijo ante li kama e mi. tenpo sewi mi li kama pini la, mi kama jan kulupu sona pi jan Wasapi. mi kama sona e wile ona...

lipu lili nanpa 5

jan Sisimi

ale li ike, jan Pepa o.

jan Wasapi li wile lawa a e kulupu ante ale pi wawa nasa...

sin pi tenpo suno la, ona en kulupu utala ona li tawa ma Tomopona...

jan Pepa

ike a! jan Kowijana a! ma ona a!

jan Sisimi

nasin wawa Molitawaa kin a! mi o toki a e ike ni tawa ona!

akesi sewi en jan lawa ona li awen tawa mi, li ken tawa e mi.

a, ilo lupa li kama pini. mi ken open!

kalama

Pini !

jan Pepa

pona a! mi kama e soweli Kawa, e len lawa mi.

soweli lili

muuuu!

soweli Kawa

ALAsSA!

kalama

KIWEN!

soweli lili

muuuuu!

kalama

KALAMA! KIWEN! KIWEN! KALAMA!

jan Pepa

!!!

jan Sisimi

!!!

jan awen

JAN AWEN O! O KAMA!

JAN LI LON INSA LI WILE WEKA E JAN TAN POKI!

lipu lili nanpa 6

jan Sisimi

a ni li suli: weka poki o kepeken tenpo lili taso...

jan Pepa

lon. tenpo lili taso.

a, mi wile sona e ijo: sona sina la, jan Wasapi li pilin ike tawa mi tan seme?

jan Sisimi

ona li pilin ike tan jan pi wawa nasa lon nasin Pakalaa, jan Pepa o...

sina ken kama e mute suli la ni li ike tawa ona. pilin ona la, pali ni li ken pakala a e pali ona pi tenpo kama.

jan Pepa

a. ni. ala a... ona li pilin ike tan ala; tenpo ala la mi kama pali e ni.

jan Sisimi

a ni li lon anu seme?

jan Pepa

ni a li lon a a a!

jan Sisimi

aa-aa! pilin ona li tan ala...

lipu lili nanpa 7

jan lawa

jan pali o! sina sona la tomo ni li tomo pi jan nasa ike anu seme?

jan pali pi jan lawa

sona li wawa, jan lawa mi o! jan lukin mi mute li lukin e ona lon ni.

jan lawa

GRrrr... nasin tenpo mi la, musi utala mi la, ike li kama tan tomo ni a!

lipu lili nanpa 8

jan lawa

mi tu li kulupu wan. ni li pona wawa la mi weka e tomo ni tan ma Elewa.

jan ike

pona toki!

kalama

Luka

kulupu utala

pona! pona! pona! aaa! wawa a! pona! wawa ! suli a! aaaa! pona a!

jan lawa

ILO PANA UTALA! O PANA!!!

kalama

MuUUUUUUUUUUUUU!

Tawwwa! Tawwaaa!

jan lawa

UTALA AAAAAA!!!

jan Pepa

seme li kama? utala anu seme?!

kalama

KALAMA! KALAMA!

jan Sisimi

seme?!

kalama

PAA~KALA ! PAKALA !

lipu lili nanpa 9

jan Pepa

Jaki Jaki!!

jan Sisimi o! sina pona ala pona?

jan Sisimi

mi pona! sina sama ala sama? soweli Kawa kin?

jan Pepa

mi pona.

seme pakala a... lawa mi... li... ken ala...

jan Sisimi

jan utala ni li kama tan seme?! li kepeken ilo pana utala a?! ona li wile e seme?

jan Pepa

mi sona ala... taso mi sona e ni tu.

jan Sisimi

?

!!!

jan Toleja, mi lon ni!

lipu lili nanpa 10

jan Toleja

jan Sisimi o! sina pona awen la pona o tawa kon sewi a.

kalama

Jo

jan Toleja

sina lon poki awen la, mi pilin ike lon awen sina! utala ni kin! pakala mute!

jan Sisimi

jan Toleja o, mi pilin pona tan sina.

jan Pepa

namako a...

jan ni pi lawa akesi li jan olin pi jan Sisimi...

mi kama pakala e ona lon tenpo pini la ike taso li ken kama.

kin la, kulupu utala li kama tawa mi.

ante la mi kama ala weka tan poki awen.

ale li sama nasin wan tawa pilin...

...A!

lipu lili nanpa 11

jan Toleja

ona la seme li lon?

jan Sisimi

jan Pepa o? sina pilin ala pilin pona?

jan Pepa

pilin. mi pona. pini la, mi kama sona e ijo.

kama ale ni li kama tan ijo mi tan kama pi pali mi tan wile mi... tan sona mi anu sona ala mi...

...a lukin la, mi kama e mute suli!

jan Sisimi

a? sina o toki e sona tawa mi.

jan Toleja

toki o pini. mi lon ma utala. mi tawa lon kon la, mi ken toki. o kama, jan Pepa o!

jan Sisimi

jan Toleja li sona wawa. mi o tawa ma Tomopona. ni taso li nasin.

jan Pepa

o awen lili.

kulupu utala pi jan Wasapi li kama utala kin. ona ale li moli la, ni li ike taso, li nasin mi ala.

pilin mi la, pini utala o tan mi tan nasin mi.

lipu lili nanpa 12

jan Toleja

taso, kepeken nasin seme?

akesi Awa

lon a. sina wile pali ni kepeken nasin seme, jan pi wawa nasa o? wawa Lonaa sina li kama ala suli lon tenpo ni. mi ken pilin e ni.

jan Pepa

sona sina li lon. taso pali wawa wan mi li ken pona e ale. mi kama jo e wawa Lonaa sina la, mi ken.

akesi Awa

mi o pana e wawa tawa jan pi wawa nasa anu seme? ken ni li lawa ala! mi pali ala a!

jan Pepa

moli utala li pona tawa sina anu seme?

jan Toleja

akesi Awa o, ante e ken. ma utala ni la, jan utala ni en akesi utala ni li kulupu mi. li kulupu sina kin.

jan Sisimi

pona sina la o ni, akesi Awa o.

akesi Awa

AAA! ken! taso kama ale li tan ona taso!

lipu lili nanpa 13

kalama

kooooo!!

jan Pepa

NAMAKO A!

ni la mi sona e wawa Lonaa akesi!

jan Sisimi

jan Pepa o pali a! utala li lon!

jan Pepa

Sinus... ! Wilus... ! E... ! Olinus... ...TASOM !

kalama

Wwawaa!!

lipu lili nanpa 14

kalama

Iiinnsa! Ssuno! Iinsaa! Jjjeloo! Iiinssa! Suuuno! Innnsa! Ssunoo! Inssa! Jjeelo!

jan Pepa

mi open e pali tawa pini pi nasin utala lon tenpo pini la, pali wawa ni li open.

ona li ante e jan e pilin. jan ike sina li kama jan pona sina...

…wile utala li kama wile olin li kama wile pona.

jan Sisimi

suli a! a... ni li pona mute, jan Pepa o! ona li pini e utala!

jan Toleja

ona li kama e pona!

lipu lili nanpa 15

jan Sisimi

taso, seme li kama? jan li uta e jan ante...?!

jan Toleja

a... ni li jan olin sin mute! ni li wile ala wile sina, jan Pepa o?

jan Pepa

a, ala! pilin mi la, wawa Lonaa akesi li wawa e olin pi wawa mi.

jan Toleja

a a, utala ni li kama awen lon lipu sona.

jan Sisimi

aaa-aa, lon!

jan Pepa

aaaa, tan seme!

sitelen

- PINI -

lipu lili nanpa 16

mama

tenpo December 15, 2021 musi sitelen & toki: jan David Revoy. jan ni li pona e toki suli: jan Arlo James Barnes en jan Bhoren en jan Bobby Hiltz en jan Craig Maloney en jan Estefania de Vasconcellos Guimaraes en jan GunChleoc en jan Karl Ove Hufthammer en jan Nicolas Artance en jan Pierre-Antoine Angelini en jan Valvin. toki pona: jan Ke Tami li ante e toki. jan Juli en jan Tepo li lukin li pona e ona. jan ni li pona e toki nimi: jan Craig Maloney. musi ni li tan pali pi ma Elewa mama: jan David Revoy. jan awen nanpa wan: jan Craig Maloney. jan pi toki sitelen: jan Craig Maloney en jan Nicolas Artance en jan Scribblemaniac en jan Valvin. jan pi pona pali: jan Willem Sonke en jan Moini en jan Hali en jan CGand en jan Alex Gryson ilo: ilo Krita 5.0β en ilo Inkscape 1.1 li kepeken ilo Kubuntu Linux 20.04. nasin pi lawa jo: Creative Commons Attribution 4.0. www.peppercarrot.com

jan Pepa

sina sona ala sona?

jan Pepa&soweli Kawa li kepeken nasin jo pi jan ale, li nasin Free (libre), li nasin Open-source, li lon tan mani tan jan pona mute.

jan 1036 li pana e mani la, lipu ni li lon!

sina kin li ken pana e pona tawa jan Pepa&soweli Kawa. nimi sina li ken lon ni!

ilo Patreon en ilo Tipeee en ilo PayPal en ilo Liberapay en ilo ante la, mi lon!

sina wile sona la, o lukin e lipu www.peppercarrot.com !

sina pona!