jan Pepa: aaaa... mi kama lon ma pona!.
a ni li tenpo suno esun..
mi wile tawa sewi pi nena seli la mi o esun e moku..
ni li pona tawa sina. mi sona pona a a a!.

sitelen: O ALASA E ONA.
jan Toleja.
100 000Ko.
jan Sisimi.
250 000Ko.
jan Pepa.
1 000 000Ko.

jan Pepa: jan ike li pana e lipu alasa lon ma ale a..
lon ma weka ni kin..
mi o awen tawa. ante la jan alasa li ken sona e mi..
ike ante li lon li suli tawa mi....
suno ni a....
pilin mi la mi lon poka pi tomo ona..
sona pona!.

waso seli: jan o! sina tawa mi tan seme a?.
jan Pepa: toki, waso seli suli o!.
mi jan Pepa pi kulupu Pakalaa..
tenpo pini lili la mi kama jo e wawa Lonaa mute tan akesi wawa. tan tenpo ni la ijo nasa suno ni li kama lon sijelo mi li awen kama suli....
ona li anpa e wawa ale mi li ken moli e mi lon tenpo..

waso seli: a... mi sona....
...ni la sina wile pona e sijelo sina kepeken telo oko pi waso seli, anu seme?.
jan Pepa: wile. ni taso li ken..
waso seli: *Pilin*.
...ni la o pali.
o lukin kama e telo tan oko mi..
o kepeken tenpo sama tenpo moku pi kili wan!.
jan Pepa: seme?!.
mi o kama e telo a?!.
taso tenpo pini la mi sona ala e ni....
kepeken... tenpo lili anu seme?!.
a... MI PALI! seme li pona..
aaa... o kute: ma ale la jan li ken ala moku sama wile ona. a, o awen o awen o awen! ijo ante li wawa: waso olin sina li moli..
a, ni kin li pona ala soweli suwi li wan taso! soweli suwi li wan taso la ni li ike....
waso seli: ....

jan Pepa: ni la sina pilin seme? sina pana ala pana e telo tan oko?.
waso seli: NI LI PAKALA SEME?!.
NI LI ALE PI KEN SINA ANU SEME?!.
jan ante li pana e toki suwi! ona li sitelen e kama wawa ike! MUSI A! PILIN A!.
TASO SINA A SINA KAMA KEPEKEN ALA SONA PALI!.
NI A, NI LI PONA; O TAWA! O WEKA! O KAMA SIN LON TENPO PI SONA SIN!.

jan Pepa: aaa! o pali, jan Pepa o! toki pi pilin ike o lon..
sina ken pali. sina ken pali..
ala... sina ken ala..
jan esun: a! sina o! o kama weka!.
jan Pepa: !!.
jan esun: sina ken ala pana e mani la o luka ala e ijo esun mi!.
jan Pepa: ike a. o ni ala... SOWELI KAWA O! sina ken pana e pona tawa pali mi. taso sina wile moku taso!.
aa?!.
a, pona... ni li ken..

waso seli: a! sina kama sin. lon tenpo lili....
ilo utala anu seme?!.
sina sona ala sona?!.
mi seli e kiwen ilo la kiwen ale li kama ko li....
kalama: Anpa.
Anpa.
Anpa.
waso seli: PAKALA! O NI ALA!.
NASIN NI LI PONA ALA!.
jan Pepa: o pali, soweli Kawa o! o poki e telo oko mute kepeken ken ale sina!.
kalama: Utala!.
Utala!.
Utala!.
nimi: - PINI -.

mama: tenpo 2022-08-03 musi sitelen & toki: David Revoy. jan ni li pona e toki: jan Arlo James Barnes en jan Benjamin Loubet en jan Bobby Hiltz en jan Chloé en janCraig Maloney en jan Estefania de Vasconcellos Guimaraes en jan GunChleoc en jan Nicolas Artance en jan Olivier Jolly en jan Rhombihexahedron en jan Valvin. toki pona: jan Ke Tami. jan Tepo en jan Juli en jan Tamalu li lukin li pona e ona. jan ni li pona e toki nimi: jan Craig Maloney. musi ni li tan pali pi ma Elewa mama: David Revoy. jan awen nanpa wan: Craig Maloney. jan pi toki sitelen: Craig Maloney, Nicolas Artance, Scribblemaniac, Valvin. Correctors: Willem Sonke, Moini, Hali, CGand, Alex Gryson. ilo: ilo Krita 5.0.5 en ilo Inkscape 1.2 li kepeken ilo Fedora 36 KDE Spin. nasin pi lawa jo: Creative Commons Attribution 4.0. www.peppercarrot.com.
jan Pepa: sina sona ala sona?.
jan Pepa&soweli Kawa li kepeken nasin jo pi jan ale, li nasin Free (libre), li nasin Open-source, li lon tan mani tan jan pona mute..
jan 1058 li pana e mani la, lipu ni li lon!.
sina kin li ken pana e pona tawa jan Pepa&soweli Kawa. nimi sina li ken lon ni!.
ilo Patreon en ilo Tipeee en ilo PayPal en ilo Liberapay en ilo ante la, mi lon!.
sina wile sona la, o lukin e lipu www.peppercarrot.com !.
sina pona!.